तस्बिर स्रोत, Courtesy: Flightradar24.com

तस्बिरको क्याप्शन,

काठमाण्डू विमानस्थल माथि बुद्ध एअरको उडान नं यू४ ७०१ को उडानपथ

काठमाण्डूबाट विराटनगरका लागि सोमवार बिहान उडेको बुद्ध एअरको एउटा विमानलाई पुनः काठमाण्डू नै फर्काएर अवतरण गराइएको नेपाल नागरिक उड्डयन प्राधिकरणले जनाएको छ।

एउटा ल्यान्डिङ गिअरमा अचानक समस्या देखिएपछि गन्तव्यमा नपुग्दै विमानलाई फर्काइएको प्राधिकरणका प्रवक्ता राजकुमार क्षेत्रीले बीबीसी न्यूज नेपालीलाई बताए।

“विराटनगर पुग्नै लाग्दा विमानको दायाँपट्टिको ल्यान्डिङ गिअर लक भएर रातो बत्ती बल्यो। अनि पाइलटले ग्राउन्ड अपरेशनका इन्जिनियरसँग परामर्श गर्न थाल्नुभयो।”

“पाइलट आफूले पनि प्रयास गर्दै गर्दा पछि तीनवटै ल्यान्डिङ गिअर ठिक देखियो र हरियो बत्ती पनि बल्यो। तर सुरक्षा सावधानी अपनाउँदै जहाजलाई उहाँले डाइभर्ट गर्नुभयो,” क्षेत्रीले थपे।

By admin

Leave a Reply

Your email address will not be published. Required fields are marked *