बिहिबार, साउन ७, २०७८

बर्षातको मौसममा हुने गर्मी पछिको सबैभन्दा ठुलो समस्या हो, लामखुट्टे । लामखुट्टेको आवाज र टोकाइले राति निन्द्रा बिथोल्छ । यस्तोमा कसरी लामखुट्टेको टोकाइबाट बच्ने त ?

लामखुट्टेको टोकाई र आवाजले राती सुत्न दिदैन । साथै यसले संक्रमित व्यक्ति, जीव जनावरलाई टोकेर मानव शरीरमा रोग समेत सार्न सक्छ । त्यसैले गर्मीमा लामखुट्टेले थुप्रै रोग सार्ने भय रहन्छ । यस्तोमा निम्न उपाय मार्फत लामखुट्टे भगाउन सकिन्छ ।

१. लामखुट्टे जमेको फोहोर पानीबाट फैलन्छ । त्यसैले पानी जम्ने स्रोत सबै पुर्नु पर्दछ ।

२. बर्खामा जम्ने पानी, भाडा माझेको पानी जमेको ठाँउमा लामखुट्टेले अण्डा पार्न सक्छ त्यसैले घर आसपासमा त्यस्तो पानी जम्न दिनु हुँदैन ।

३. पानी जम्ने स्थान सरसफाई गरेको अवस्थामा लामखुट्टे फैलने दर कम हुन्छ ।

४. साँझ पर्नु अघि नै घरको झ्याल, ढोका वा कुनैपनि भेन्टिलेटर बन्द गर्नु पर्दछ ।

५. घरभित्र प्रवेश गर्ने वा लामखुट्टे प्रवेश गर्न सक्ने सबै खुला प्वाल बन्द गर्ने सम्भव नभए जाली लगाउनु पर्दछ ।

६. लामखुट्टको टोकाइबाट बच्न सबैभन्दा सरल र उचित उपाय भनेको झुलको प्रयोग नै हो । राती सुत्दा अनिवार्य झुल भित्र सुत्ने गरेमा यसको टोकाइबाट बच्न सकिन्छ ।

७. कपुरलाई बालेर पनि लामखुट्टे भगाउने काममा प्रयोग गर्न सकिन्छ । कोठामा कपुर बालेर केहिबेर सबै झ्याल ढोका बन्द गरिदिएमा कोठा लामखुट्टे रहित हुन्छ ।

८. पुदिना वा त्यसको तेलमा किटनासक गुण हुने भएकाले घरको आसपास पुदिना रोप्ने र त्यसको रस झ्याल ढोकामा छर्किएा लामखुट्टेको संक्रमण हट्छ ।

९. लामखुट्टेबाट बच्न मच्छर धुप, इलेक्ट्रिक धुप लगायतको प्रयोग गर्न सकिन्छ ।

१०. यस अलावा ओडोमस र इलेक्ट्रिक ब्याटको प्रयोगबाट समेत यसको टोकाइबाट बच्न सकिन्छ । विभिन्न एजेन्सीको सहयोगमा

Leave a Reply

Your email address will not be published. Required fields are marked *